Tadap

Tadap by Bubbles Kandhari

Kab miloge tum hum se

Yeh sochti reh jaati hoon

Ek hook se uthti dil mein

Phir dil ko yuhin behlati hoon.

Aajao ‘gar tum saamne

Laga loon tumhe seene se

Door se khushboo tumhari soong leti hoon

Kadmon ki aahat bhi pehchaan leti hoon.

Tum ho meri saason mein

Tumhe kaise bata doo

Tumhe khoon se seecha hai

Yaad dila doon.

Kuch yaadein hai jo bhula nahi sakti

Jo gam diya hai mita nahi sakti

Apnon se doori ka dard kaise bayaan karoon

Yaad na aaye wo - khuda se iltija karoon.

Main kaise chod doon tumhe yaad karna

Kismat me na ho deedar, par dil me to ho na

Dhaale tumne sitam mujhpe kai

Kiya khushiyon se mehroom

Khush raho aabad raho

Phir bhi yahi dua karoon.

Dil to dil hai - tumhe kaise bhoola doon

Kabhi milenge hum tumse

Yahi soch kar sabar kar loo.