Sarmaaya

Sarmaaya by Bubbles Kandhari

Khud ko bhoolake tujhme

Humne khud ko paaya ha

Kya ye baat ab sach nahin

Ki hum mein hi tu samaaya ha?

Mehsoos karein to kan kan mein basa

Na dekh paayein to apni hi koi khata.

Oonche lambe ped pahadon se guftagoo karte

Dharti par phool khil khilake haanste

Parinde meethi aawaz mein gungunate

Gore gore baadal bhi pahadon se lipat jaate

Aisa manjar dekhkar koi kyun na khush hojaaye

Aise manjar to shaayad dharti par swarg kehlaaye.

Baadlon mein lipti hui barfeeli pahadiyaan

Sar-sar karte pyaare jharne

Phoolon ki muskuraahat

Parindon ki chehchahat

In sab mein bhi tu hi ha nazar aata

Tera hi roop har taraf hai jhalakta.

Phir in sab ka to yahi ha saaransh

Har jan mein bhi tu hi ha samaaya bhagwaan

Phir kaaheki irsha, kyun khayal vipreet

Jab ek hi hamara mai-baap, ek hi hamara meet.

Aao mil-baith ke saare, gaayein pyaar ke geet

Yahi ha sarmaaya hamara, isi mein hamari jeet.