Mere Humsafar

Mere Humsafar - by Bubbles Kandhari

Ab tum ho gaye 60 saal ke

Main 55 ke upar ki

Phir bhi preet nibhaayenge hum

Yunhi apne bachpan ki.

Bachpan beeta-jawani ko taapa

Ban gaye phir hum mummy-papa

Diye tumne mujhe do anmol ratan

Mehekne laga mera ghar aangan.

Waqt beeta phir aaee betiyaan

Ghar mein dugnee ho gayi khushiyaan

Phir aaye do pyaare pote

Jin ki kilkaariyon se hum khush hote

Inke khel khel mein roz

Hum phir bachpan rahe hai khoj.

Rubb se yahi dua humari

Yunhi phaltee rahe khushiyon ki kyaaree

Zindagi tumhari har gum se door ho

Khushalee aur pyaar se bharpur ho.

Phool sa komal hriday tumhara

Masoomiyat ismen bastee hai

Shant svabhaav ke maalik ho tum

Prem tumharee shakti hai.

Kaum mein ooncha rutba tumhara

Ghar ki shaan aur maan hai tum se

Maalik ki ho meher sada tum pur

Yunhi hanste raho tum hamesha

Mere Hamsafar.