Maa-Baap

Maa-Baap - by Bubbles Kandhari

Maa-Baap hamare chaand-sooraj-sitaare sabhi

Unke pyaar aur saahas se bani shakseeyat apni.

Maa ki thandi chaav

Garam hawayein yahan aa sakti nahi

Godh mein unki sar rakhkar

Bhula de gam aur fikar sabhi

Apne aanchal mein chipale jab bhi hame

Yun lage ki poori jannat simti ho isme.

Baap ka josh aur saahas

Baap ki mehnat aur himmat

Inka bhi koi mol nahi

Inse prerna lekar sawaare zindagi apni.

Chuka sakte nahi maa-baap ka hum ehsaan kabhi

Is pyaar ke ehsaas ko na samjhe farz hi sabhi.

Maange se bhi na milte

Bin maa-baap ke pehchaan kabhi

Jo sar jhuk jaaye inke charno mein

Unki aasees se badhkar koi inaam nahi.

Maa-Baap naam hain kitne muktasir

Duaein utni hi tawil unki

Bacchon pe koi aanch na aaye

Yahi hamesha prarthana jinki.

Lag jaaye Maa-Baap ke seene se

Isse badi koi saugaat nahi

Budhe ho jaaye jab bune sahara hum

To banegi jag mein shaan tabhi.

Yeh to maante hai sabhi

Maa ki mamta ka koi mol nahi

Par Baap se badhkar de koi saahas

Aisa bhi ho sakta nahi.

Sab rishton se upar hai yeh rishta

Isse badhkar khuda bhi na de sake vardan koi.