Tum Yaad Aate Ho

Tum Yaad Aate Ho - by Bubbles Kandhari

Accha hai kuch raaz tumne

Ab bhi chipaye rakhe hain

Varna ae khuda tumhein

Kaun yaad rakhta.

Koi anhoni jab hoti hai

Mann baichain ho jaata hai

Seene mein hook se uthti hai

Dil dard se karrahta hai

Tum yaad aate ho.

Dharti par jab keher barasta hai

Goliyan seena chhalti hain

Hahakar ki cheekhe uthti hain

Rehem ki sada goonjti hai

Tum yaad aate ho.

Antim saanse jab hoti hain

Apnon se bidaai lete hain

Aankhon se moti girte hain

Aakhri safar ko jab chalte hai

Tum yaad aate ho.