Dil Ki Dhadkan

Dil Ki Dhadkan - by Bubbles Kandhari

Yeh dil kaise dhadakta hai

Na thamta hai na rukta hai

Har pal dhadakte jaata hai

Na jaane kya kehna chahta hai.

Yeh tootta hai par rukta nahi

Rota hai par thamta nahi

Bade kehte kabhi “dil bada karo”

Wo to lekin baccha hain - uski bhi to kabhi suno.

“Dil ki suno”, “dil se karo”

Yahi sayane kehte hain

Dil to kehta sab kuch

Bas kami sunne mein reh jaati hain.

Dil ye keemti tohfa khuda ka

Mehfooz rakhna farz hamara

Paalan poshan aur saaf swasth rakhna

Yeh bhi hai kartavya hamara.

Aandhi aaye toofan aaye

Is dil pe kabhi aanch na aaye.

Dil jab kisi pe aa jaata hai

Na jaane kya ho jaata hai

Dhadkane tez ho jaati hai

Bechara “overtime” kar jaata hai.

Yeh ruk jaaye to qayamat ho jaaye

Saanso ka silsila ekdam tham jaaye

Barson yuhin ye chalta hai

Isi dhadkan ka naam hi to zindagi hai.

Yeh dil kaise dhadakta hain

Na thamta hai na rukta hain

Na jaane kya kehna chahta hai.