Awaara Baadal

Chaand se yun lipte baadal

Koi to purana rishta hai

Kuch halki-phulki baatein karke

Mann mouji chale kahan? - kise pata hai.

Apni masti me garajte baraste

Ya phir shant swaroop se badhte

Kis aur chale jaate hain

Yeh marzi hai unki;

Kahan kho jaate hain

Yeh kismat hai unki.

Awaara baadal hain hum

Manzil gumshuda hai

Chalo chalein us raah par

Jahan khuda khada hai.

Baahein pasaare humein woh bula raha hai

Ek kadam chalein hum sau woh badha raha hai

Uske aagosh mein jaakar hum fana ho jaaye

Noor ki hum nanhi kiran-vishal jyot mein sama jaaye.

Aao chalo iska prayas karein hum

Uske har pharmaan ko muqaddar bana lein hum

Uspe yun bharosa ki khud maghloob ho jaaye hum

Aur jeevan ko yun ek nayee disha de hum

Allah ka ho karam || Moula ka ho karam||

Swarg